പ്രേക്ഷകരെ ആവേശത്തിലാക്കാൻ അഡൽറ്റ് കോമഡി ഇരണ്ടാം കുത്ത് ദീപാവലിക്ക് തീയറ്ററുകളിലേക്ക്

Updated: Thursday, November 12, 2020, 09:06 [IST]

കോവിഡിനെ തുടർന്ന് ലോകമെങ്ങും തിയേറ്ററുകൾ അടച്ചിട്ടിരുന്നു , ഇപ്പോഴിതാ ഇന്ത്യയിൽ പലയിടത്തും തീയറ്ററുകൾ തുറന്ന് പ്രവർത്തിക്കുവാൻ ആരംഭിച്ചിരിക്കുകയാണ്. 

കൂടാതെ തീയറ്റർ അനുഭവം കൊതിക്കുന്ന തമിഴ്‌നാട്ടിലുള്ള പ്രേക്ഷകർക്ക് ഇപ്പോൾ ഒരു സന്തോഷവാർത്തയാണ് പുറത്ത് വന്നിരിക്കുന്നത്.  തീയറ്ററുകൾ തുറന്നപ്പോൾ വിജയ്‌യുടെ ബിഗിൽ, ധാരാള പ്രഭു, ഇരുട്ട് അറയിൽ മുരട്ട് കുത്ത്, ഓ മൈ കടവുളേ, കണ്ണും കണ്ണും കൊള്ളൈയടിത്താൽ എന്നീ അഞ്ച് സിനിമകൾ തമിഴ്‌നാട്ടിൽ റീ-റിലീസ് ചെയ്‌തിരുന്നു. ഇപ്പോഴിതാ ദീപാവലിക്ക് കൂടുതൽ ചിത്രങ്ങൾ തീയറ്ററുകളിൽ റിലീസിന് ഒരുങ്ങുകയാണ്.

 സംവിധായകൻ സന്തോഷ് ജയകുമാർ ഒരുക്കുന്ന അഡൽറ്റ് കോമഡി ചിത്രം ഇരണ്ടാം കുത്തും സന്താനം നായകനാകുന്ന ബിസ്‌കോതും ദീപാവലിക്ക് തീയറ്ററുകളിൽ എത്തുമെന്ന് ഉറപ്പിച്ചിരിക്കുകയാണ്. സംവിധായകൻ സന്തോഷാണ് ട്വിറ്ററിലൂടെ ഇക്കാര്യം വെളിപ്പെടുത്തിയത്.

Latest Articles